MANGKASARA’ KOTA DAENG

Oleh : Mangngassai Daeng Djiwa

 Mangkasara' kota Daeng
 Anrong bori' kasuarrang
 Nikanro te'ne masunggu
 Amang sannang salewangang

 Gapura timungang Lompo
 Sapana labuang baji'
 Pallangga benteng tangngana
 Boritta Indonesia

 Lae Lae kassi' kebo'
 Losari Anging mammiri'
 Tanjong bunga Tanjong bayang
 Nijaga niparakai

 MTR LISA MABELLO
 Gau' passamaturukang
 Jarre' ma'bulo sibatang
 Tangkasi Mangkasaratta

 Mangkasara' kota Daeng
 Sombere' sipakatau
 Budaya siri' napacce
 La'biri' napare' ada'

 Maeki ma'rannu rannu
 Accera' sitongka tongka
 Antangkasi kota Daeng
 Tangkasa' lahere' bateng

 Ikambe ra'ya' ca'dia
 Nikanayya kariawan
 Minasa panrannuanta
 Nigaji siratannayya

 Punna amang kota Daeng
 Budaya somba Karaeng
 Kontu intang nabulaeng
 Ri mata bangsa maraeng

Sungguminasa,Gowa 29 April 2017

 

MakassarCerdas.com

#BeSmartBeSafe

 

Comments

comments

Load More By MakassarCerdas
Load More In Literasi

Leave a Reply

Your email address will not be published. Required fields are marked *

Check Also

Iklan Layanan Masyarakat DPP FPBI -Jangan Buang Sampah ke Laut

Salam Bahari !!! Salam Bela Negara !!! Sampah Laut Semakin Menghawatirkan !!! Perilaku Bua…